انٹربینک میں ڈالر کی قدر میں اضافہ

62پیسے مہنگا ہونے کے بعد  ڈالر182 روپے40 پیسوں کا ہو گیا

اسلام آباد (ویب  نیوز) انٹربینک میں ڈالر کی قدر میں اضافہ ہو گیا ۔امریکی  ڈالر کے مقابلے میں پاکستانی روپے کی قدر میں مزید کمی ہو گئی۔انٹربینک میں ڈالر62 پیسے مہنگا ہوکرنئی تاریخی بلندی پرپہنچ گیا، جس کے بعد انٹربینک میں ڈالر182 روپے40 پیسوں کی سطح پرپہنچ گیا۔چھ روز قبل انٹربینک میں کاروبار کے اختتام پر ڈالر کی قیمت میں 48 پیسے کا اضافہ ہوا تھا، جس کے بعد 181.73 روپے پر آ گیا تھا جو تاریخ کی بلند ترین سطح تھی۔اسٹیٹ بینک کے مطابق فروری میں ملکی تجارتی خسارہ جنوری کے مقابلے میں 40 فیصد کم ہو کر 2 ارب 31 کروڑ ڈالر رہا، فروری میں ملکی درآمدات 5 ارب 16 کروڑ ڈالر رہیں جبکہ جنوری میں ملکی درآمدات 6 ارب 31 کروڑ ڈالر تھیں.

 

By Editor