پاکستان اسٹاک ایکس چینج میں تیزی ،مارکیٹ کے سرمائے میں 41ارب روپے سے زائد کا اضافہ ریکارڈ

کراچی (ویب  نیوز)پاکستان اسٹاک مارکیٹ میں بدھ کو بھی تیزی کا رجحان غالب رہا ،کے ایس ای100انڈیکس 200پوائنٹس بڑھ گیا جس کی وجہ سے انڈیکس 44ہزار پوائنٹس سے بڑھ کر 44200پوائنٹس پر بند ہوا،کاروباری تیزی کے سبب مارکیٹ کے سرمائے میں 41ارب روپے سے زائد کا اضافہ ریکارڈ کیا گیا جس کے نتیجے میں سرمائے کا مجموعی حجم 76کھرب روپے کے قریب پہنچ گیا ۔کاروباری تیزی کے سبب55.12فیصد حصص کی قیمتیں بھی بڑھ گئیں ۔پاکستان اسٹاک مارکیٹ میں بدھ کو کاروباری سرگرمیا ں مستحکم انداز میں جاری رہیں ٹیلی کام ،توانائی ،پیٹرولیم ،فوڈز سمیت دیگر شعبوں میں خریداری کے سبب مارکیٹ مثبت زون میں بند ہوئی ۔پاکستان اسٹاک مارکیٹ میں بدھ کو کے ایس ای100انڈیکس میں216.37پوائنٹس کا اضافہ ریکارڈ کیا گیا جس سے انڈیکس 44043.74پوائنٹس سے بڑھ کر44260.11پوائنٹس ہو گیا اسی طرح80.05پوائنٹس کے اضافے سے کے ایس ای 30انڈیکس 17288.79پوائنٹس سے بڑھ کر17368.84پوائنٹس پر جا پہنچا جبکہ کے ایس ای آل شیئرزانڈیکس 30165.68پوائنٹس سے بڑھ کر30358.12پوائنٹس پر بند ہوا ۔کاروباری تیزی کے سبب مارکیٹ کے سرمائے میں 41ارب26کروڑ43لاکھ88ہزار988روپے کا اضافہ ریکارڈ کیا گیا جس کے نتیجے میں سرمائے کا مجموعی حجم 75کھرب51ارب30کروڑ35لاکھ57ہزار118روپے سے بڑھ کر75کھرب92ارب56کروڑ79لاکھ46ہزار106روپے ہو گیا ۔پاکستان اسٹاک مارکیٹ میں بدھ کو8ارب روپے مالیت کے 27کروڑ11لاکھ13ہزار حصص کے سودے ہوئے جبکہ منگل کو4ارب روپے مالیت کے 14کروڑ34لاکھ45ہزار حصص کے سودے ہوئے تھے ۔پاکستان اسٹاک مارکیٹ میں بدھ کو مجموعی طو ر پر361کمپنیوں کا کاروبار ہوا جس میں سے199کمپنیوں کے حصص کی قیمتوں میں اضافہ ،141میں کمی اور21کمپنیوں کے حصص کی قیمتوں میں استحکام رہا ۔کاروبار کے لحاظ سے سینرجیکو پاک 4کروڑ74لاکھ ،ورلڈ کال ٹیلی کام 1کروڑ47لاکھ ،کے الیکٹرک لمیٹڈ 1کروڑ35لاکھ ،ٹی آر جی پاک لمیٹڈ 1کروڑ17لاکھ اور ڈی ایس انڈسٹریز لمیٹڈ 1کروڑ6لاکھ حصص کے سودوں سے سرفہرست رہے ۔قیمتوں میں اتار چڑھا کے اعتبار سے باٹا پاک کے حصص کی قیمت میں119.99روپے کا اضافہ ریکارڈ کیا گیا جس سے اسکے حصص کی قیمت بڑھ کر2099.99روپے ہو گئی اسی طرح 66.26روپے کے اضافے سے سیفائر ٹیکسٹائل کے حصص کی قیمت بڑھ کر998.00روپے پر جا پہنچی جبکہ نیلسے پاکستان کے حصص کی قیمت میں 50.00روپے کی کمی واقع ہوئی جس سے اسکے حصص کی قیمت گھٹ کر5450.00روپے ہو گئی اسی طرح20.23روپے کی کمی سے ملت ٹریکٹرز کے حصص کی قیمت کم ہو کر854.01روپے پر آ گئی ۔

By Editor